Երաժշտական ցերեկույթ՝ «ԱՆԿԱԽՈՒԹՅՈՒՆԸ և ՄԵՆՔ»».


    Սեպտեմբերի 20-ին Ավ. Իսահակյանի անվան ԿԳ-ի դահլիճում ՝Անկախության 26-ամյակին նվիրված ծրագրի շրջանակներում, Կենտրոն վարչական շրջանի ոստիկանների վետերանների խորհրդի և Կենտրոն վարչական շրջանի հետ համատեղ տեղի ունեցավ «ԱՆԿԱԽՈՒԹՅՈՒՆԸ և ՄԵՆՔ» խորագիրը կրող երաժշտական ցերեկույթ: Հանդիսության մեկնարկն ազդարարվեց ոստիկանության Երևան քաղաքի վարչության պետի օգնական՝ Կենտրոն վարչական շրջանի ոստիկանության վետերանների խորհրդի նախագահ Գագիկ Վարդանյանի հայկական եռագույնը դահլիճ բերելու հրահանգով: Երաժշտական կատարումներով հանդես եկան վետերանների խորհրդի անդամ Սամվել Եսայանը,ազգային նվագարանների վարպետ,երաժիշտ Մանուկ Հարությունյանը, Բ.Կանաչյանի անվան արվեստի դպրոցի սաներ Դավիթ Հարությունյանը և Մարիա Շահինյանը,Դո Ռե Մի վոկալ ստուդիայի սաներ Արամ Կարապետյանը, Մարիա Պետրոսյանը և Նարեկ Մալխասյանը:Գեղեցիկ, հեզաճկուն պարով ներկայացավ նաև Սարգիս Հակոբյանի ՄՍԳԴԿ «Արմենիա» պարային համույթը: Գագիկ Վարդանյանը հանդիսավորությամբ պատվոգրեր և շնորհակալագրեր հանձնեց վետերան ոստիկաններին, «Ավ. Իսահակյանի անվան ԿԳ» ՀՈԱԿ-ի տնօրեն Հասմիկ Կարապետյանին, միջոցառման մասնակից շնորհալի երեխաներին: Երաժշտական ցերեկոյի հանդիսավարը դերասանուհի Գայանե Սամվելյանն էր:

Հեղինակային իրավունքները պաշտպանված © են