«Ճանաչենք մեր Մեծերին - Եղիշե Չարենց-125» խաղ- մրցույթի եզրափակիչ փուլ


    Եղիշե Չարենցի տուն-թանգարանում տեղի ունեցավ «Ճանաչենք մեր Մեծերին - Եղիշե Չարենց-125» խաղ-մրցույթի եզրափակիչ փուլը, որին մասնակցեցին Ավ. Իսահակյանի անվան ԿԳ-ի Տեխնիկական գրականության բաժնի «ՆԱԻՐՅԱՆ ԱՂՋԻԿՆԵՐ», Լյուդմիլա Մոտալովայի անվան թիվ 33 գ/մ-ի «ՊԱՏԳԱՄ», Խ. Գյուլնազարյանի անվան թիվ 15 գ/մ-ի «ՉԱՐԵՆՑ-ՆԱՄԵ» թիմերը:
Միջոցառումը վարեց, խաղ-մրցույթի կանոնադրությունը և մասնագիտական հանձնախմբի կազմը ներկայացրեց դերասանուհի Գայանե Սամվելյանը։ Խաղ-մրցույթի հանձնախմբի նախագահն էր Եղիշե Չարենցի տուն-թանգարանի տնօրեն Ժաննա Մանուկյանը: Խաղ-մրցույթին ներկա էր Եղիշե Չարենցի թոռը՝ Գոհար Չարենցը: Խաղն ընթանում էր անզիջում և հետաքրքիր պայքարում, որի ավարտին հաղթող ճանաչվեցին «ՊԱՏԳԱՄ» և «ՆԱԻՐՅԱՆ ԱՂՋԻԿՆԵՐ» թիմերը: Հաղթող թիմերը ստացան պատվոգրեր և նվերներ՝ գրքի տեսքով: Մասնակցության հավաստագիր հանձնվեց «ՉԱՐԵՆՑ-ՆԱՄԵ» թիմին: Երեխաները գիտակցեցին թիմային խաղի կարևորությունը և վերազինվեցին չարենցյան նոր գիտելիքներով:

Հեղինակային իրավունքները պաշտպանված © են